Dimuat ku: barudaksunda | 27 Pébruari 2011

sajarah kerajaan di Tatar Sunda

Sajarah Sunda

(Bagian ka-1)

Sunda ngandung harti Hade/ Alus/ Bodas/ Resik/ Moncorong, sagala hal nu ngandung kahadean, urang sunda dipercaya ngabogaan etos/ watak/ karakter Kasundaan nu jadi jalan kautamaan hirup pikeun maranehna. Watak atawa karakter urang Sunda nu dimaksud nyaeta cageur (sehat), bageur (baik), bener (benar), singer (mawas diri), jeung pinter (pandai/ cerdas) nu geus aya ti jaman karajaan Salaka Nagara taun 150 nepi ka karajaan Sumedang Larang Abad ka- 17, nu kacaturkeun maranehna mawa kamakmuran jeung kasajahteraan leuwih ti 1000 taun.

Sunda mangrupakeun kabudayaan masyarakat nu ngawengkon wilayah kulon pulo jawa, sunda lain saukur kabudayaan hungkul, tapi, sunda nyaeta ageuman nu ngawengku ka sakumna watak urang sunda nu jadi tutunan pitutur keur ngalakonan kahirupanna na. Salaku salah sahiji suku nu aya di nagara Indonesia, bangsa Sunda mangrupakeun biang atawa cikal bakal ngadegna kabudayaan tur peradaban di Nusantara, di mimitian ku lahirna karajaan pangkolotna di Indonesia, nyaeta Kerajaan Salakanagara jeung Tarumanegara nepi ka Galuh, Pakuan Pajajaran, jeung Sumedang Larang. Karajaan Sunda mangrupakeun karajaan nu sauyunan cinta damai, salila pamarentahanna teu pernah ngalakuken paluasan wilayah ekspansi ka wilayah sejen. Katurunan Karajaan Sunda geus ngalahirkeun karajaan- karajaan gede di Nusantara diantarana Karajaan Sriwijaya, Karajaan Majapahit, Karajaan Mataram, Kasultanan Cirebon, Kasultanan Banten, jsb.

Sekretariat : Kost Al Ma`ruf,  Krapyak,  Yogyakarta Tlp. 081804112337

Karajaan Sunda (669-1579 M), numutkeun babad Wangsakerta naskah Wangsakerta, Sunda mangrupakeun karajaan nu ngagantikeun karajaan Tarumanagara. Karajaan Sunda diwangun ku Prabu Tarusbawa taun 591 Caka Sunda (669 M). Ceuk sumber sajarah primer nu asalna ti abad ka-16, karajaan ieu mangrupakeun karajaan nu ngabogaan kakuasaan wilayah nu ngawengku Provinsi Banten, Jakarta, Provinsi Jawa Barat , jeung bagian kulon Provinsi Jawa Tengah.

Numutkeun naskah kuno primer Bujangga Manik (nu nyaritakeun pangumbaraan Bujangga Manik, hiji pandeta Hindu Sunda nu kungsi ngunjungan tempat-tempat suci agama Hindu di Pulau Jawa jeung Bali ti kawit abad ka-16), nu wanci kiwari disimpen di Perpusatakaan Boedlian, Oxford University, Inggris ti kawit taun 1627), wates Karajaan Sunda di belah wetan nyaeta Ci Pamali (“Sungai Pamali”, kiwari disebut Kali Brebes) jeung Ci Serayu (ayeuna ieu nu disebut Kali Serayu) di Provinsi Jawa Tengah.

Tome Pires (1513) tina catetan sajarah pangumbaraanna, Suma Oriental (1513 – 1515), nyebutkeun rehna wates wilayah Karajaan Sunda di belah wetan nyaeta, ditutur tina ucapan nana: “samentara aya nu negeskeun wirehna karajaan Sunda ngawengku satengah pulo Jawa. Sabagian deui nyebutkeun wirehna Karajaan Sunda ngalingkup sapertilu Pulo Jawa ditambah saperdalapanna deui. Ceuk manehna, sakuriling Pulo Sunda aya tilu ratus legoa. Tuntungna nyaeta Ci Manuk.”

Numutkeun Naskah Wangsakerta, wilayah Karajaan Sunda ngacakup oge daerah nu saat ieu jadi Provinsi Lampung, ku ngalewatan pernikahan antara kaluwarga Karajaan Sunda jeung Lampung. Lampung dipisahkeun ti bagian sejen kerajaan Sunda ku Selat Sunda.


Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s

Katagori

%d bloggers like this: